پولیس کے مطابق گلستان جوہر میں شارع فیصل تھانے کی حدود میں طالب علم نے چارٹرڈ اکاؤنٹنٹ کے امتحان میں مطلوبہ نتیجہ نہ آنے پر خودکشی کی۔

سپرنٹنڈنٹ پولیس (ایس پی) گلشن اقبال غلام مرتضیٰ بھٹو نے کہا کہ 21 سالہ صبور نے گلستان جوہر کے بلاک 19 میں واقع اپنے گھر میں خود کو گولی مار کر خودکشی کی۔

یہ بھی پڑھیں: ڈیفنس کراچی میں 25 سالہ نوجوان کی خودکشی

ان کا کہنا تھا کہ طالب علم کے عزیزوں نے اس کی لاش کو آغا خان ہسپتال منتقل کیا۔

ابتدائی رپورٹ میں انکشاف ہوا کہ صبور اپنے چارٹرڈ اکاؤنٹنٹ کے امتحان کو لے کر پریشان تھا، جو اس کی خودکشی کی ممکنہ وجہ ہوسکتا ہے۔

تاہم غلام مرتضیٰ بھٹو نے کہا کہ پولیس معاملے کی تحقیقات کر رہی ہے۔