اسلام آباد میں عمران خان اور ہمایوں اختر کے درمیان ملاقات ہوئی جہاں انھوں نے پی ٹی آئی کے منشور اور قیادت پر مکمل اعتماد کا اظہار کیا۔

ہمایوں اختر کا کہنا تھا کہ عمران خان نے پاکستان کے مستقبل کے لیے مؤثر ترین جدوجہد کی اور پوری قوم ان کی قیادت پر اکٹھی اور یکسو ہو چکی ہے۔

عمران خان نے ہمایوں اختر کی تحریک انصاف میں شمولیت کے فیصلے کا خیر مقدم کرتے ہوئے کہا کہ ان کی شمولیت سے پی ٹی آئی کو تقویت ملے گی۔

خیال رہے کہ ہمایوں اختر خان مشرف دور میں مسلم لیگ ق کا حصہ تھے اور وفاقی وزیر تجارت تھے بعد ازاں انھوں نے مسلم لیگ ق سے علیحدگی اختیار کر لی تھی۔

رپورٹ: فہد چوہدری