سماجی رابطے کی ویب سائٹ ٹوئٹر پر عمران خان نے ایک پیغام جاری کیا جس میں انہوں نے ایک ویڈیو شیئر کرتے ہوئے لکھا کہ مردان کے عوام نئے پاکستان کے لیے پُر جوش ہیں۔

عمران خان کی جانب سے شیئر کی جانے والی اس ویڈیو میں دیکھا جاسکتا ہے کہ عمران خان اپنی گاڑی میں بیٹھ کر بڑی تعداد میں سڑک کنارے کھڑے حامیوں کے نعروں کا جواب دے رہے ہیں۔

پاکستان میں 25 جولائی قریب آتے ہی الیکشن کے لیے انتخابی مہمات زور پکڑتی جارہی ہیں اور تمام ہی جماعتیں اپنی سیاسی قوت کا مظاہرہ کرنے اور ووٹ کے حصول کے لیے اجتماعات کر رہی ہیں۔