اس بار انتخابات میں جہاں ریکارڈ لوگ اپنا ووٹ کاسٹ کریں گے، وہیں 2 کروڑ سے زائد افراد ایسے بھی ہیں جو اپنی زندگی کا پہلا ووٹ کاسٹ کرنے جا رہے ہیں۔

جو پہلے ووٹ کاسٹ کر چکے ہیں انہیں تو اندازہ ہوگا کہ ووٹ کس طرح کاسٹ کیا جاتا ہے، تاہم نئے ووٹرز کچھ پریشان ضرور ہوں گے۔

نئے ووٹرز کی پریشانی کو دیکھتے ہوئے حکومت پاکستان نے ایک مختصر ویڈیو جاری کی ہے، جس میں نئے ووٹرز کو ووٹ کاسٹ کرنے کے صحیح طریقے بتائے جانے سمیت یہ بھی بتایا گیا ہے کہ اگر کسی کو اپنی پولنگ اسٹیشن کا پتہ نہیں ہیں تو وہ گھر بیٹھے آسانی سے ایک موبائل پیغام کے ذریعے کس طرح اپنی پولنگ اسٹیشن کا پتہ معلوم کر سکتا ہے۔

مختصر ویڈیو میں ووٹ کاسٹ کرنے کے صحیح طریقے، پولنگ اسٹٰیشن جاننے اور اپنا حق رائے دہی استعمال کرنے سے متعلق آسان جملوں میں بات سمجھائی گئی ہے۔

نئے ووٹرز اس ویڈیو کو دیکھ کر معلومات حاصل کر سکتے ہیں۔