ملک بھر میں عام انتخابات میں 3 لاکھ 71 ہزار پاک فوج کے اہلکار سیکیورٹی پر مامور ہیں، تاہم سیکیورٹی کے فرائض انجام دینے والے ان پاک فوج کے جوانوں سے عوام نے اپنی محبت کا اظہار کیا۔

سماجی رابطوں کی ویب سائٹ ٹوئٹر پر جاری تصاویر میں دیکھا گیا کہ سیکیورٹی فرائض انجام دینے والے اہلکاروں کو بچے، خواتین اور مرد گلدستہ دے رہے ہیں۔

یاد رہے کہ گزشتہ روز فیس بک پر مجلس علمی سوسائٹی کی جانب سے عوام سے اپیل کی گئی تھی کہ وہ ووٹ ڈالنے جائیں تو سیکیورٹی کے فرائض انجام دینے والے اہلکاروں کو پھول دیں۔