ووٹ ڈالنے کے بعد انہوں نے اپنی اور اپنی والدہ کی تصاویر اپنے ٹوئیٹر اکاؤنٹ پر شیئر کیں۔

ناز بلوچ پیپلزپارٹی سے قبل تحریک انصاف سے وابستہ تھیں، تاہم گزشتہ برس انہوں نے پیپلزپارٹی میں شمولیت اختیار کرلی تھی۔ان کا کہنا تھا کہ پاکستان تحریک انصاف (پی ٹی آئی) میں خواتین کو پارٹی کے فیصلوں کا کوئی اختیار نہیں ہے۔

واضح رہے کہ ناز بلوچ تحریک انصاف میں مرکزی نائب صدر کے عہدے پر موجود تھیں اور پی ٹی آئی کا سوشل میڈیا پلیٹ فارم بھی دیکھ رہی تھیں۔

ناز بلوچ نے 2013 کے عام انتخابات میں قومی اسمبلی کے حلقہ این اے 240 میں پی ٹی آئی کی جانب سے بحیثیت اُمیدوار حصہ لیا تھا، تاہم انہیں متحدہ قومی موومنٹ (ایم کیو ایم) کے سہیل منصور خواجہ کے مقابلے میں شکست کا سامنا کرنا پڑا۔