پی سی بی کے سابق چیئرمین نجم سیٹھی نے رواں سال فروری میں شعیب اختر کو اپنا مشیر مقرر کیا تھا لیکن بورڈ میں قیادت کی تبدیلی کے ساتھ ہی انہوں نے مستعفی ہونے کا اعلان کردیا۔

انہوں نے سماجی رابطوں کی ویب سائٹ ٹوئٹر پر اپنے پیغام میں کہا کہ میں یہ اعلان کرنا چاہتا ہوں کہ میں نے فوری طور پر پی سی بی کے مشیر کے عہدے سے استعفیٰ دے دیا ہے۔

مزید پڑھیں: نئے پی سی بی چیئرمین احسان مانی کون ہیں؟

واضح رہے کہ 20اگست کو پی سی بی کے سابق چیئرمین نجم سیٹھی نے عہدے سے استعفیٰ دینے کا اعلان کردیا تھا جس کے بعد وزیر اعظم عمران خان نے آئی سی سی کے سابق صدر احسان مانی کو پی سی بی چیئرمین کے عہدے کے لیے نامزد کردیا تھا۔

دو دن قبل ہی پی سی بی کے اجلاس میں احسان مانی بلامقابلہ پی سی بی چیئرمین منتخب ہو گئے تھے۔