برینجلینا کے نام سے مشہور اس جوڑے کے درمیان طلاق ہوئے 2 برس کا عرصہ گزر چکا ہے۔

یہ بھی پڑھیں: انجلینا جولی بریڈ پٹ سے طلاق کی خواہشمند

اس حوالے سے کہا جارہا ہے کہ بریڈ پٹ روحانی معالج سیٹ ہیری کے عشق میں مبتلا ہو چکے ہیں۔

ریڈار آن لائن کے مطابق 29 ستمبر کو دونوں ایک تقریب میں شریک ہوئے اور ہجوم کو نظر انداز کرتے ہوئے آپس کی گفتگو میں مصروف رہے۔

دوسری طرف بریڈپٹ نے ہولی ووڈ لائف کو اپنے انٹرویو میں کہا کہ سیٹ ہیری کے ساتھ رومانس کا تصور ’مکمل طورپر بکواس‘ ہے۔

اس سے قبل رپورٹ سامنے آئی تھی کہ بریڈ دوبارہ ڈیٹ کے لیے تیار ہیں لیکن انہوں نے اپنی تمام تر توجہ کام اور اپنے بچوں پر مرکوز کی۔

مزید پڑھیں: روبرٹ پیٹنسن، انجلینا جولی اور بریڈ پٹ کے درمیان آگئے

عدالت میں بچوں کی حوالگی کا مقدمہ زیر سماعت ہے جس کا فیصلہ آنے میں خاصہ وقت درکار ہے۔

ان دنوں وہ لیونارڈو ڈی کیپریو کے ساتھ فلم Once Upon a Time in Hollywood میں مصروف ہیں۔

ایک سال قبل افواہیں تھی کہ وہ مقامی یونیورسٹی کی پروفیسر نیری اوکسمین کے ساتھ خصوصی وقت گزار رہے ہیں لیکن پھر کہا گیا کہ وہ دونوں اچھے دوستوں کے علاوہ کچھ نہیں ہے۔

چند ماہ بعد نیری اوکسمین کو ایک اور شخص کے ساتھ دیکھا گیا۔

یہ بھی پڑھیں: اینجلینا اور بریڈ میں علیحدگی کیوں ہوئی؟

اپنے تازہ انٹرویو میں انہوں نے کہا کہ وہ اپنے کیریئر پر پوری توجہ دے رہے ہیں اور انجیلنا سے طلاق کے بعد تاحال تھوڑا پریشان ہیں۔