تاہم نیہا اور ان کے شوہر، دونوں نے ہی اس خبر کو بے بنیاد ٹھہرایا تھا۔

اور اب خود انگت بیدی نے اپنے ایک انٹرویو میں اس بات کا انکشاف کیا کہ انہوں نے اور نیہا سے جلد اور خفیہ شادی اس لیے ہی کی تھی کیوں کہ اداکارہ ماں بننے والی تھیں۔

مزید پڑھیں: نیہا دھوپیا امید سے ہیں

انگت بیدی اپنی اہلیہ کے شو نو فلٹر نیہا میں مہمان بن کر شریک ہوئے۔

اس انٹرویو کی ایک ویڈیو نیہا دھوپیا نے خود اپنے انسٹاگرام اکاؤنٹ پر شیئر بھی کی۔

اس دوران نیہا نے ان سے سوال کیا کہ انہوں نے اپنے اور ان کے والدین کو شادی کے لیے کیسے منایا۔

اس پر انگت بیدی نے بتایا کہ ’میں نے بس یہی کہا کہ ہم والدین بننے والے ہیں، پہلے سب حیران ہوگئے پھر بہت ڈانٹ پڑی‘۔

یہ بھی پڑھیں: نیہا دھوپیا کی ‘حمل’ کے ساتھ فیشن شو میں کیٹ واک

اداکار نے مزید کہا کہ ’مجھے اندازہ ہورہا تھا کہ وہ ایسی خبر سننے کے لیے تیار نہیں تھے، انہیں یقین نہیں آرہا تھا کہ تم ماں بننے والی ہو‘۔

یاد رہے کہ اس سے قبل ایک انٹرویو میں نیہا دھوپیا نے خود بھی بتایا تھا کہ انہوں نے اپنے حاملہ ہونے کی خبر کو اس لیے خفیہ رکھا کیوں کہ وہ خوف زدہ تھی کہ انہیں انڈسٹری میں کوئی کام نہیں دے گا۔

خیال رہے کہ نیہا اور انگت کی شادی رواں سال 10 مئی میں ہوئی تھی۔

مزید پڑھیں: نیہا دھوپیا نے خاموشی سے شادی کرلی

ان کی شادی کی تقریب میں فیملی کے ساتھ صرف قریبی دوست موجود تھے۔

دونوں اداکاروں نے اپنی شادی کا اعلان سوشل میڈیا پر تصاویر پوسٹ کرنے کے ساتھ کیا تھا جبکہ دونوں نے ایک دوسرے کو اپنا بہترین دوست بھی قرار دیا۔