اور اداکارہ کا نیا سامنے آیا گانا ’حسنِ پرچم‘ بھی اس ہی بات کی ایک مثال ہے۔

بولی وڈ کی خوبصورت اداکارہ کترینہ کیف شاہ رخ خان اور انوشکا شرما کے ہمراہ فلم ’زیرو‘ میں کام کرتی نظر آئیں گی۔

مزید پڑھیں: ’جتنا یہ پورا ہے اس سے لمبا تو عافیہ کا نام ہے‘

اس فلم کا نیا گانا ’حسن پرچم‘ آج مداحوں کے ساتھ شیئر کیا گیا ہے، جس میں کترینہ کیف نے شاندار رقص سے ایک مرتبہ پھر سب کا دل جیت لیا۔

اس گانے کا آغاز شاہ رخ خان کے کردار سے ہوتا ہے، جو وہ اپنی ہلدی کی رسم میں مصروف ہوتے ہیں اور اس ہی دوران ان کا دوست آکر انہیں شہر میں کترینہ کیف کے آنے کی خبر دیتا ہے۔

فلم ’زیرو‘ میں کترینہ کیف ببیتا کمار‘ نامی سپر اسٹار کا کردار ادا کرتی نظر آئیں گی، جبکہ شاہ رخ خان چھوٹے قد کے آدمی باؤا اور انوشکا عافیہ نامی سائنٹسٹ بنی ہیں۔

یہ بھی پڑھیں: ’زندگی کاٹنی کسے تھی؟ ہمیں تو جینی تھی‘

انوشکا شرما نے بھی اپنے سوشل میڈیا اکاؤنٹس پر کترینہ کہ اس نئے گانے کو شیئر کرنے کے ساتھ ’آگئی ہے ببیتا کماری لہرانے اپنا حسن پرچم‘ لکھا۔

جبکہ گزشتہ روز شاہ رخ خان نے کترینہ کہ اس گانے کا ٹیزر شیئر کرنے کے ساتھ اعلان کیا تھا کہ اسے 12 دسمبر کو ریلیز کیا جائے گا۔

یاد رہے کہ یہ پہلا گانا نہیں جب کترینہ کیف نے اپنے رقص سے مداحوں کو متاثر کیا ہو، ان کے کامیاب گانوں میں شیلا کی جوانی، چکنی چمیلی، کالا چشمہ اور ثریا شامل ہیں۔

’حسن پرچم‘ گانے کی گلوکاری بھومی تریویدی اور راجا کماری نے کی ہے، جبکہ اس کا میوزک بھی کافی شاندار ہے۔

یہ فلم ’زیرو‘ کا تیسرا گانا ہے، اس سے قبل فلم کے دو گانے ’میرے نام تو‘ اور ’عشق بازی‘ شامل ہیں۔

فلم ’زیرو‘ رواں ماہ 21 دسمبر کو سینما گھروں میں نمائش کے لیے پیش کی جائے گی۔