بدھ کو ہونے والی عظیم الشان تقریب ممبئی میں مکیش امبانی کے مہنگے ترین گھر میں منعقد ہوئی۔

اور یہ گزشتہ 35 برس میں دنیا کی سب سے مہنگی شادی ہے جس میں بولی وڈ اسٹارز کے ساتھ ساتھ متعدد بین الاقوامی شخصیات نے شرکت کیں۔

مزید پڑھیں : ایشا امبانی کی شادی گزشتہ 35 سال میں دنیا کی سب سے مہنگی شادی

ڈی این اے انڈیا نے اپنی رپورٹ میں مکیش امبانی کی کمپنی ’رلائنس انڈسٹریز’ سے منسلک ذرائع کا حوالہ دیتے ہوئے بتایا کہ اب تک کے اندازوں کے مطابق ایشا امبانی اور ا?نند پیرامل کی شادی پر 10 کروڑ امریکی ڈالر یعنی پاکستانی 14 ارب روپے سے زائد کا خرچہ کیا جائے گا۔

مکیش امبانی نے اپنی بیٹی کی شادی میں دنیا بھر سے 600 عالمی شخصیات کو مدعو کیا تھا اور انہیں دعوت ناموں میں سونے کی مالائیں بھی پیش کی گئی تھیں۔

مہمانوں کو بھارتی ریاست راجستھان کے شہر ادے پور لانے کے لیے 100 جیٹ طیاروں اور درجنوں جیگوار، مرسڈیز، پورشے اور بی ایم ڈبلیو جیسی لگژری گاڑیوں کو مہمانوں کو بک کیا گیا۔

یہ اطلاعات بھی سامنے آئیں کہ ایشا امبانی کی شادی کی 9 سے 11 دسمبر تک ہونے والی تقریبات میں بھارت بھر کے 108 آرٹس اور رسومات کے کرتبوں سے مہمانوں کو محفوظ کیا گیا۔

علاوہ ازیں کھرب پتی خاندان نے 51 ہزار افراد کے چار دن تین وقت کا کھانا بھی دیا اور شادی کی تقریبات میں دنیا کی مہنگی ترین پاپ گلوکارہ بیونسے سمیت بولی وڈ کے مہنگے ترین اداکاراؤں کو بھی رقص اور پرفارمنس کے لیے خریدا گیا۔