دفتر خارجہ کی جانب سے جاری ہونے والے اعلامیے میں بتایا گیا کہ بھارتی قیدیوں میں 54 سول اور 483 ماہی گیر شامل ہیں۔

21 مئی 2008 کو ہونے والے معاہدے کے تحت دونوں ممالک یکم جنوری اور یکم جولائی کو قیدیوں کی فہرستوں کا تبادلہ کرتے ہیں۔

دوسری جانب سفارتی ذرائع کے مطابق بھارت نے بھی اپنی جیلوں میں قید 347 پاکستانی قیدیوں کی فہرست دہلی میں پاکستانی ہائی کمیشنکے حوالے کردی۔

فہرست کے مطابق بھارتی جیلوں میں 249 پاکستانی سول جب کے 98 پاکستانی ماہی گیر قید ہیں۔