اور یہ کوئی انسان نہیں بلکہ ایک روبوٹ ہے جو کہ بنا ہی دوسروں سے محبت کرنے کے لیے ہے۔

جی ہاں ایسا روبوٹ جو فوراً آپ کی توجہ حاصل کرلے گا۔

لوووٹ نامی یہ روبوٹ جاپانی کمپنی گرووی ایکس نے تیار کیا ہے اور اس کا مشن ایک ہی ہے اور وہ ہے آپ کو خوش کرنا۔

یہ روبوٹ کسی زندہ انسان کی طرح رویہ ظاہر کرتا ہے اور اسے بنانے والوں کا کہنا ہے کہ اسے لوگوں کی محبت کرنے کی فطرت کے لیے تیار کیا گیا ہے۔

اس روبوٹ کو لاس ویگاس میں جاری کنزیومر الیکٹرونکس شو میں متعارف کرایا گیا۔

اس کی بڑی بڑی کارٹون جیسی آنکھیں اور ٹیڈی بیئر جیسا ظاہر اسے دیکھنے والوں کے لیے خوبصورت بناتا ہے اور کمپنی کا تو دعویٰ ہے کہ یہ انتہائی سرد دل افراد کے دل بھی پگھلا سکتا ہے۔

یہ بنیادی طور پر تنہا افراد کی تنہائی دور کرنے کے لیے بنایا گیا ہے جو کہ جاپان کا بہت بڑا مسئلہ ہے۔

یہ روبوٹ گلے ملنا پسند کرتا ہے، اپنے ہاتھ ہوا میں لہراتا ہے اور گھر میں آپ کے پیچھے پیچھے گھومتا ہے۔

اور ہاں یہ آپ کی بانہوں میں 'میٹھی نیند' بھی سوجاتا ہے۔

مگر اس روبوٹ کا ساتھ سستا نہیں ہوگا اور اسے پری آرڈر میں لگ بھگ 6 لاکھ جاپانی ین (پونے 8 لاکھ پاکستانی روپے کے قریب) میں خریدنا ممکن ہے۔

اس روبوٹ کی تیاری پر کافی عرصے سے کام ہورہا ہے مگر اب اسے حتمی شکل دی گئی ہے۔