پاکستان سپر لیگ کے چوتھے ایڈیشن کا آغاز 14فروری سے متحدہ عرب امارات میں ہو گا اور پہلی مرتبہ لیگ کے 8 میچز پاکستان میں کھیلے جائیں گے۔

مزید پڑھیں: پی ایس ایل: جونٹی رھوڈز پاکستان میں کمنٹری کے لیے پرجوش

2019 کے ایڈیشن کے قریب آتے ہی لیگ کی انتظامیہ نے کراچی اور لاہور میں کھیلے جانے والے لیگ کے میچز کے لیے ٹکٹوں کی قیمتوں کا اعلان کردیا ہے جنہیں رواں ہفتے سے فروکت کے لیے پیش کیا جائے گا۔

لیگ کے چوتھے ایڈیشن میں پانچ میچوں کی میزبانی کراچی اور تین کی لاہور کرے گا۔

لیگ کے کراچی میں ہونے والے میچز کے لیے کم از کم ٹکٹ 500روپے کا ہو گا، وی آئی پی ٹکٹ کی قیمت 12 ہزار روپے تک ہو گی جبکہ ایونٹ کے فائنل میچ کے ٹکٹ کی قیمت زیادہ رکھنے کا فیصلہ کیا گیا ہے۔

یہ بھی پڑھیں: پاکستان اور آسٹریلیا کی ون ڈے سیریز متحدہ عرب امارات میں ہو گی

لاہور میں 9، 10 اور 12 مارچ کو شیڈول تین میچز کے ٹکٹ ایک ہزار سے 12 ہزار روپے تک مالیت کے ہوں گے۔

کراچی میں ہونے والے میچز 7، 10، 13، 15 مارچ کو ہوں گے جبکہ 17 مارچ کو فائنل کی میزبانی بھی کراچی کا نیشنل اسٹیڈیم کرے گا۔