ڈان نیوز کو موصول ہونے والی واردات کی سی سی ٹی وی فوٹیج میں دیکھا جاسکتا ہے کہ خاتون اپنے شوہر اور بچے کے ساتھ بینک سے رقم نکلواکر جارہی تھی کہ موٹرسائیکل سوار مسلح ڈاکو پیچھا کرتے ہوئے آئے اور خاتون کو زمین پر گرا کر 11 لاکھ روپے کی رقم لوٹ کر باآسانی فرار ہوگئے۔

اس دوران ایک ڈاکو نے ہوائی فائرنگ بھی کی تاہم واردات میں کوئی جانی نقصان نہیں ہوا۔

کوٹلہ تولے خان روڈ پر ہونے والی واردات کا مقدمہ درج ہونے کے باوجود ملزمان کو اب تک گرفتار نہیں کیا جاسکا۔