ورائٹی کی رپورٹ کے مطابق روبرٹ پیٹنسن بہت جلد بیٹ مین کا روپ اپنالیں گے، کیوں کہ انہوں نے سال 2021 میں ریلیز ہونے والی فلم 'دی بیٹ مین' سائن کرلی ہے۔

رپورٹ میں مزید بتایا گیا کہ اداکار نے حال ہی میں اس فلم میں کام کرنے کی حامی دی ہے۔

یاد رہے کہ روبرٹ سے قبل بیٹ مین کی ماضی میں ریلیز ہونے والی دو فلموں میں اداکار بین افلیک نے مرکزی کردار نبھایا تھا، تاہم ان کا کام شائقین کو متاثر کرنے میں ناکام رہا۔

نئی بیٹ مین فلم کی پروڈکشن کا کام جلد شروع ہوجائے گا، اس فلم کی ہدایات میٹ ویوز دیں گے، جبکہ وہ ڈائلن کلارک کے ساتھ اس فلم کی مشترکہ پروڈکشن بھی کررہے ہیں۔

اب تک یہ تو نہیں بتایا گیا کہ فلم کی شوٹنگ کا آغاز کب ہوگا، تاہم اسے سال 2021 میں 25 جون کو ریلیز کیا جائے گا۔