محکمہ موسمیات کی ویب سائٹ کے مطابق آج اور کل درجہ حرارت 35 سے 37 ڈگری سینٹی گریڈ تک جانے کا امکان ہے جبکہ ہوا میں نمی کا تناسب 75 سے 85 فیصد رہے گا۔

5 جون کو، جو عید کا پہلا دن ہوسکتا ہے، درجہ حرارت 40 ڈگری سینٹی گریڈ تک جاسکتا ہے جبکہ ہوا میں نمی کا تناسب 70 سے 80 فیصد رہے گا۔

تینوں روز ہوا کا رخ مغرب سے جنوب مغرب کی جانب ہوگا۔

ملک کے دیگر حصوں میں بھی گرمی کی شدت میں اضافہ سامنے آیا ہے جس کی وجہ سے نظام زندگی متاثر ہو رہا ہے۔

پیر کو جیکب آباد ملک کا سب سے گرم ترین علاقہ رہا جہاں درجہ حرارت 51 ڈگری تک ریکارڈ کیا گیا۔

سندھ کے شہر میں زیادہ سے زیادہ درجہ حرارت 1919 میں 53 ڈگری سینٹی گریڈ ریکارڈ کیا گیا تھا۔

پڈعیدن، دادو، بہاولنگر، سبی، رحیم یار خان، روہڑی، موہن جو دڑو، لاڑکانہ، شہید بینظیر آباد، لاہور اور ملتان میں زیادہ سے زیادہ درجہ حرارت 45 سے 50 ڈگری سینٹی گریڈ ریکارڈ کیا گیا۔