ناٹنگھم میں کھیلے گئے میچ میں پاکستانی ٹیم نے میزبان اور فیورٹ انگلینڈ کی ٹیم کو 14رنز سے شکست دے کر عالمی کپ میں پہلی فتح حاصل کر لی۔

مزید پڑھیں: پاکستان کی ورلڈ کپ میں پہلی فتح، انگلینڈ کو 15رنز سے شکست

وزیر اعظم اپنے پیغام میں کہا کہ وارم اپ میچز اور عالمی کپ کے پہلے مقابلے میں کمزور کارکردگی کے بعد دوبارہ فارم میں آنے اور شاندار جیت سمیٹنے پر قومی کرکٹ ٹیم کو دلی مبارکباد۔

انہوں نے کہا کہ آپ میں قابلیت موجود ہے اور آپ کو خود میں صرف یہ جذبہ خود اعتمادی اجاگر کرنا ہے کہ ہم ہدف تک پہنچنے کی صلاحیت رکھتے ہیں۔

ادھر آئی ایس پی آر کے ترجمان میجر جنرل آصف غفور نے بھی ٹیم عمدہ کارکردگی پر سراہا اور آئندہ میچوں کے لیے نیک خواہشات کا اظہار کرنے کے ساتھ ساتھ عید کی بھی مبارکباد دی۔

یہ بھی پڑھیں: پاکستان نے انگلینڈ کے خلاف ورلڈ کپ میں نیا عالمی ریکارڈ بنا دیا

قومی ٹیم کے سابق کپتان اور سوئنگ کے سلطان وسیم اکرم نے ٹیم کو جیت کی مبارکباد دیتے ہوئے کہا کہ قومی ٹیم نے مجھے کا شاندار تحفہ دیا۔

سابق فاسٹ باؤلر شعیب اختر نے کہا کہ پھینٹا مکمل ہو گیا، ٹیم نے بہترین پرفارمنس دی، کچھ کمزوریوں پر کام کرنے کی ضرورت ہے لیکن ہم صحیح ڈگر پر جا رہے ہیں۔

پاکستانی ٹیم عالمی کپ میں اپنا اگلا میچ 7 جون کو سری لنکا کے خلاف کھیلے گی۔