پاکستان کرکٹ بورڈ (پی سی بی) کی جانب سے ٹوئٹر پر جاری ہونے والی ویڈیو میں دیکھا جاسکتا ہے کہ کھلاڑی ہوٹل سے گاڑی میں سوار ہوکر نامز عید ادا کرنے کے لیے جارہے ہیں۔

اس دوران بس میں موجود تمام کھلاڑی انتہائی خوش دکھائی دے رہے ہیں جبکہ انہوں نے اس دوران قوم کو عیدالفطر کی مابرکباد بھی پیش کی۔

انگلینڈ کے خلاف میچ کے مین آف دی میچ محمد حفیظ نے کہا کہ 'میری طرف سے تمام پاکستانیوں، مسلمانوں اور پوری دنیا کے انسانوں کو عید کی خوشیاں مبارک ہو۔

عید پر ٹیم نے ناٹنگھم میں ہی ایک گروپ فوٹو بھی بنوایا جس میں تمام کھلاڑی پر مسرت دکھائی دے رہے ہیں۔

واضح رہے کہ سماجی رابطوں کی ویب سائٹز پر ویڈیوز میں دیکھا جاسکتا ہے کہ تمام پاکستانی کھلاڑی اور آفیشلز ایک دوسرے سے بغل گیر ہوکر ایک دوسرے کو مبارکباد دے رہے ہیں۔