سام سنگ نے متعارف کرائے گئے نئے سستے موبائل ’اے 10 ایس‘ کے پہلے ورژن ’اے 10‘ کو رواں برس مارچ میں خاموشی سے متعارف کرایا تھا۔

اور اب کمپنی نے اسی فون کے اپڈیٹ ورژن ’اے 10 ایس‘ کو متعارف کرایا ہے جس میں کمپنی کے سب سے بہترین ترین فون ’گلیکسی ایس 10‘ جیسے فیچرز دیے گئے ہیں۔

سام سنگ اے 10 ایس میں جہاں فنگر پرنٹ کا فیچر دیا گیا ہے، وہیں اس میں فیس لاک یعنی چہرے کی شناخت والا فیچر بھی دیا گیا ہے۔

یہ بھی پڑھیں: سام سنگ گلیکسی اے سیریز کا سستا فون اب پاکستان میں دستیاب

اس سستے فون کی ایک اور خاص بات یہ ہے کہ کمپنی نے اس میں بیک پر 2 کیمرے دیے ہیں جس میں سے مرکزی کیمرا 13 میگا پکسل کا ہے جب کہ ساتھ ہی 2 میگا پکسل کا ریئر کیمرا بھی دیا گیا ہے۔

سام سنگ اے 10 ایس میں 8 میگا پکسل فرنٹ کیمرا دیا گیا ہے جو اس کمپنی کے پرانے ورژن اے 10 سے زیادہ اچھا ہے۔

کمپنی نے نئے موبائل کو 2 اور 3 جی بی ریم کے ساتھ متعارف کرایا ہے اور اس کی اسکرین کو ایچ ڈی ریزولیشن میں متعارف کرایا ہے۔

کمپنی کا دعویٰ ہے کہ اس فون کا کیمرا کمپنی کے مہنگے فون جیسا ہے۔

چار ایم اے ایچ بیٹری والے اس موبائل کو کمپنی نے ’بلیو، بلیک اور گرین‘ رنگ میں متعارف کرایا ہے اور اس کی قیمت محض 24 ہزار روپے تک رکھی ہے۔

اس فون کو کمپنی نے چند دن قبل خاموشی سے متعارف کرایا تھا اور ساتھ ہی کمپنی نے اعلان کیا تھا کہ جلد ہی پاکستان میں ’اے 30‘ کے نئے ورژن ’اے 30 ایس‘ کو بھی متعارف کرایا جائے گا۔