وشاکاپٹنم میں کھیلے جا رہے سیریز کے پہلے ٹیسٹ میچ میں بھارت نے ٹاس جیت کر پہلے بیٹنگ کا فیصلہ کیا۔

بھارت کے مایہ ناز اوپننگ بلے باز روہت شرما کو اس مرتبہ اوپننگ کا موقع فراہم کیا گیا جنہوں نے ماینک اگروال کے ساتھ مل کر ٹیم کا شاندار آغاز فراہم کیا۔

روہت شرما نے ون ڈے کرکٹ کی طرح ٹیسٹ میں بھی اپنا روایتی جارحانہ انداز اپنایا اور ماینک اگروال کی مدد سے اپنی ٹیم کو 202 رنز کا شاندار آغاز فراہم کیا۔

مایہ ناز بلے باز نے ٹیسٹ کرکٹ میں اپنی چوتھی سنچری مکمل کی۔

اس دوران خراب روشنی اور بارش کے سبب میچ کو کئی مرتبہ روکا گیا اور بالآخر 60ویں اوور کی پہلی گیند کے بعد میچ کو خراب روشنی کے سبب ختم کرنے کا فیصلہ کر لیا گیا۔

جب کھیل ختم ہوا تو بھارت نے بغیر کسی نقصان کے 202 رنز بنائے تھے، روہت شرما 115 اور اگروال 84 رنز کے ساتھ ناقابل شکست ہیں۔