اسلام آباد، لاہور، کراچی، پشاور، کوئٹہ، گلگت، گجرانوالا، گجرات، سرگودھا، سکھر، نواب شاہ، حیدر آباد، مظفرآباد سمیت ملک کے تمام بڑے شہروں میں بھارت کے خلاف ریلیاں نکالی گئی اور کشمیر کی آزادی کے فلک شگاف نعرے لگائے اور یوم سیاہ منایا۔

پاکستان اور کشمیر کے علاوہ لندن، جرمنی، امریکا سمیت دیگر کئی ممالک جہاں کشمیری اور ان کے حق میں آواز اٹھانے والے افراد وہاں یوم سیاہ منایا گیا۔

نیشنل پریس کلب اسلام آباد کے باہر حریت رہنما یاسین ملک کی اہلیہ مشعال ملک نے علامتی بھوک ہڑتال کی اور میڈیا سے گفتگو کرتے ہوئے کہا کہ 'بھارت نے کشمیریوں کے سارے حقوق سلب کرلیے ہیں، ہزاروں اور لاکھوں کی تعداد میں لوگ غائب ہیں'۔

ان کا کہنا تھا کہ 'کشمیر میں جب تک کرفیو کا خاتمہ اور کشمیریوں کو ان کا حق نہیں دیا جاتا اس وقت تک ہماری جدوجہد جاری رہے گی'۔