دونوں ماڈلز نے بچپن سے اب تک کا وقت امریکی ریاست کیلیفورنیا کے شہر بیورلی ہلز میں موجود اپنے بنگلے میں گزارا جس کو ان کے والد ڈویلپر محمد حدید نے ہی ڈیزائن کیا ہے۔

ان کا یہ بنگلہ کسی محل سے کم نہیں جس کی مالیت 8 کروڑ 50 لاکھ امریکی ڈالر ہے جو تقریباً 13 ارب 21 کروڑ 75 لاکھ پاکستانی روپے بنتے ہیں۔

بیورلی ہلز میں ہولی وڈ کی کئی نامور شخصیات کا گھر بھی موجود ہے اور اسے امریکا کا مہنگا ترین رہائشی علاقہ مانا جاتا ہے۔

35 ہزار اسکوائر فٹ کے اس بنگلے کے پہلے مالے پر مہمانوں کے لیے ایک خصوصی جگہ بنائی گئی ہے، ساتھ ساتھ ڈائننگ روم کی شاندار سجاوٹ بھی تعریف کے قابل ہے۔

محل میں موجود کچن کو نہایت خوبصورت انداز میں ڈیزائن کیا گیا ہے، جس کے ساتھ مہمانوں کے آرام کے لیے دو کمرے بھی بنائے گئے ہیں۔

گھر میں موجود زیادہ تر پینٹگز کو محمد حدید نے خود پینٹ کیا ہے۔

پہلے مالے پر 6 بیڈ رومز موجود ہیں، جس میں سے ایک جی جی حدید کا پرانا کمرا ہے۔

بنگلے میں ایک کمرا ایسا بھی ہے، جہاں بےشمار موم بتیاں موجود ہیں اور اس کمرے کو انہیں سے سجایا گیا ہے۔

رپورٹس کے مطابق یہ کمرا جی جی حدید کا پسندیدہ کمرا ہے اور اسے خاص ان کے لیے ہی ڈیزائن کروا گیا تھا۔

اس کے علاوہ بنگلے میں سوئمنگ پول بھی موجود ہے، باہر سے شاندار نظر آنے والا یہ گھر اندر سے اور بھی زیادہ خوبصورت ہے۔