یہاں پیش کی جانے والی تصاویر اگرچہ صارفین کو صرف ایک کلک پر ہی دیکھنے کو مل رہی ہیں، تاہم ان تصاویر کو اسی انداز میں کھینچنے میں فوٹوگرافرز کو بہت محنت کرنی پڑی۔

یہ تصاویر اگرچہ گزشتہ ایک سال میں متعدد شوبز ویب سائٹس، میگزین و اخبارات کی زینت بنیں تاہم اس کے باوجود ان کا شمار ایسی تصاویر میں ہوتا ہے جنہیں بار بار دیکھنے کا دل کرتا ہے۔

فرانسیسی دارالحکومت پیرس میں فروری 2019 میں ہونے والے فیشن ویک کے دوران لی گئی اس تصویر نے دنیا کے بے شمار افراد کے دل جیتے۔

امریکی سیاسی مزاحیہ ریئلٹی ٹی وی شو ویپ کی کاسٹ ستمبر 2019 میں ہونے والے ایمی ایوارڈ شو میں سیلفی لیتے ہوئے۔

کامیڈین ڈونلڈ گروور کی جولائی 2019 میں لاس اینجلس میں ایک تقریب کے دوران مداحوں کے ساتھ سیلفی۔

ہولی وڈ فلم ’دی لائن کنگ‘ کے لندن میں منعقد کیے گئے پریمیئر میں شہزادہ ہیری اور ان کی اہلیہ میگھن مارکل ارب پتی گلوکار جے زی اور ان کی اہلیہ گلوکارہ بیونسے سے مصافحہ کرتے ہوئے۔

امریکی ریئلٹی اسٹار کم کارڈیشین جولائی 2019 میں جب وائٹ ہاؤس پہنچیں تو ایوانکا ٹرمپ اور ان کے شوہر جیرڈ کشنر ان کے ساتھ بیٹھنے میں کامیاب ہوگئے۔

آنجہانی امریکی گلوکار ایلوس پریسلے کو خراج تحسین پیش کرنے کے لیے آسٹریلوی شہر سڈنی میں شرکت کے لیے جانے والا شخص فیسٹیول جاتے وقت ٹرین میں اپنا جائزہ لیتے ہوئے ۔

گلوکار بلی پورٹر کی فروری 2019 میں ہونے والی آسکر ایوارڈ کی تقریب میں لی گئی یہ تصویر بھی بہت مقبول ہوئی۔

شہرہ آفاق ڈرامے ’گیم آف تھرونز‘ میں ٹائرن لینسٹر کا کردار ادا کرنے پر ایمی ایوارڈ جیتنے والے پیٹر ڈنکلیج کی یہ تصویر بھی نہایت پسند کی گئی۔

سپر اسٹار انجلینا جولی کی اکتوبر 2019 میں لندن میں ایک فلم پریمیئر کے دوران کھینچی گئی یہ تصویر بھی مداحوں نے بہت پسند کی۔