لاہور میں منعقدہ شادی کی تقریب میں بھارتی اداکار و سیاست دان شتروگن سنہا نے شرکت کی، جس میں قوالی کا ایک پروگرام بھی رکھا گیا تھا۔

سوشل میڈیا پر وائرل تصاویر اور ویڈیوز میں شتروگن سنہا اداکارہ کرن ملک اور ریما کے ہمراہ نظر آئے۔

میڈیا رپورٹس کے مطابق بھارتی اداکار شتروگن سنہا بزنس مین اسد احسن کے بیٹے کی شادی میں شرکت کے لیے پاکستان آئے۔

خبریں ہیں کہ وہ دو روز کے لیے پاکستان آئے اور اس دوران وہ پاکستانی سیاستدانوں سے ملاقات بھی کریں گے۔

واضح رہے کہ پاکستان اور بھارت کے درمیان کشیدگی کی صورتحال کی وجہ سے دونوں ممالک کے درمیان سیاسی و سماجی تعلقات متاثر ہوئے ہیں جبکہ پاکستان میں بھارتی فلموں کی نمائش پر بھی پابندی عائد ہے۔