کوئٹہ گلیڈی ایٹرز کے فاسٹ باؤلر جمعرات کو پشاور زلمی کے خلاف میچ میں ٹخنے کی انجری کا شکار ہوئے تھے اور اسی سبب اپنے کوٹے کے اوورز بھی مکمل نہیں کر سکے تھے۔

فرنچائز کے فزیو تھراپسٹ نثار خان نے نسیم شاہ کو ایک ہفتے آرام کا مشورہ دیا ہے اور ان کی انجری کے حوالے سے تفصیلات پاکستان کرکٹ بورڈ کے میڈیکل پینل کو بھیج دی گئی تھی۔

کوئٹہ گلیڈی ایٹرز نے آج نسیم شاہ کی جگہ زاہد محمود کو اسکواڈ میں شامل کرنے کا اعلان کیا اور پی ایس ایل کی تکنیکی کمیٹی نے ان کی بحیثیت متبادل اسکواڈ میں شمولیت کی منظوری دے دی۔

کوئٹہ گلیڈی ایٹرز نے آج لاہور قلندرز کے خلاف میچ میں زاہد محمود کو اسکواڈ کا حصہ بنایا ہے۔