بادشاہ اور ملکہ دونوں نے کورونا کا ٹیسٹ بھی کروایا جس کے نتائج منفی آئے۔

انسائڈر کی رپورٹ کے مطابق ملکہ تنکو عزیزا آمینہ میمونہ اسکندریہ نہایت لذیذ پکوان بنانے کے لیے بھی جانی جاتی ہیں اور قرنطینہ میں جانے سے قبل وہ کورونا وائرس کے خلاف جنگ لڑنے والے ڈاکٹرز اور دیگر عملے کے لیے نئے نئے پکوان تیار کرکے بھیج رہی تھیں۔

ملکہ تنکو عزیزا نے رواں سال 21 مارچ سے سوشل میڈیا پر پکوان تیار کرتے ہوئے ویڈیوز اور تصاویر پوسٹ کرنا شروع کیں تھی۔

انہوں نے سنگی بولے نامی ہسپتال کے لیے سبزیوں کی ایک ڈش تیار کی جس کی تصویر بھی سوشل میڈیا پر پوسٹ کی۔

اسی روز انہوں نے مچھلی کی ایک ڈش تیار کی اور حکومتی ملازمین کی قربانیوں کا شکریہ ادا کیا۔

اس کے اگلے روز ملکہ نے کوالالمپور کے ہسپتال کے لیے پکوان تیار کیا۔

بعدازاں انہوں نے چاکلیٹ کپ کیکس بھی تیار کیے۔

23 مارچ کو انہوں نے جو پکوان تیار کیا وہ ہسپتالوں میں ڈیلیور کیا گیا۔

رپورٹس کے مطابق ملکہ کو ان کے اس عمل کے لیے خوب سراہا بھی گیا جبکہ انہیں شکریہ ادا کرنے کے کئی پیغامات بھی موصول ہوئے۔

خیال رہے کہ ملائیشیا میں اب تک 2 ہزار 470 افراد میں کورونا وائرس کی تصدیق ہوچکی ہے جبکہ 35 افراد اس وائرس سے جان کی بازی بھی ہار چکے ہیں۔