تاہم دنیا بھر میں پھیلی عالمی وبا کورونا وائرس کے باعث نافذ لاک ڈاؤن کی وجہ سے یقیناً افطار کے لیے بازار سے پکوڑے لانا خاصہ مشکل ہوگا۔

یہی نہیں بلکہ کئی افراد ایسے بھی ہوں گے جو احتیاطی تدابیر اختیار کرتے ہوئے اس دوران بازار کے بنے کھانے سے گریز کررہے ہوں گے۔

ایسے میں یہاں کچھ نئے انداز کے پکوڑے بنانے کے آئیڈیاز شیئر کیے جارہے ہیں، جس سے آپ وہی آلو پیاز والے پکوڑوں سے ہٹ کر بھی کچھ نیا بنا سکتے ہیں۔

اور لاک ڈاؤن کے دوران ان آئیڈیاز پر عمل کرکے بنائے گئے یہ پکوڑے یقیناً بازار سے زیادہ مزیدار ہوں گے۔

انڈے کے پکوڑے

انڈے کو ابالیں اور اسے اپنے پکوڑے بنانے کے مصالحے میں شامل کرکے فرائی کرلیں، کیا پتہ آپ کے گھر والوں کو یہ نئے انداز کے پکوڑے پسند آجائیں۔

گوبھی کے پکوڑے

اگر آپ یہ سوچ رہے ہیں کہ گوبھی کے پکوڑے گھر میں کسی کو پسند نہیں آئیں گے، تو یہ آپ کی غلط فہمی ہے، پکوڑوں کے مصالحے کے ساتھ چند من پسند مصالحے شامل کرکے گوبھی ملا کر بنائے گئے پکوڑے یقیناً سب کو نہایت لذیذ لگیں گے۔

حلومی پنیر کے پکوڑے

اس انداز کی پنیر کو پکوڑوں کے مصالحے میں شامل کرکے گھر والوں کو پیش کرنے کا خیال برا نہیں ہے۔

کدو کے پکوڑے

سُننے میں تو کدو کے پکوڑے کسی کو بھی بہت زیادہ متاثر نہیں کریں گے لیکن اگر آپ اسے گرم گرم پیش کریں تو یہ یقیناً سب کی پہلی پسند ہوگی۔

شکر قندی کے پکوڑے

شکر قندی کے پکوڑوں کے لیے وہی ترکیب اپنائیں جو آپ آلو کے پکوڑوں کے لیے استعمال کرتی ہیں، بس فرق صرف اتنا ہوگا کہ اس کا ذائقہ یقیناً بچوں کو ضرور پسند آئے گا۔