انہوں نے کہا کہ اگر منگل تک ٹرین آپریشن بحال کرنے کا فیصلہ نہیں ہوا تو وزارت ریلوے کے لیے لوگوں سے اسٹینڈرڈ آپریٹنگ پروسیجرز (ایس او پیز) پر عمل کروانا ممکن نہیں ہوگا۔

شیخ رشید نے کہا کہ عوام کی ایک بڑی تعداد عید پر اپنے گھر جانے کی منتظر ہے اور اگر اس ہفتے ٹرین سروس بحال نہیں ہوئی تو رش بڑھ جائے گا۔

وفاقی وزیر نے کہا کہ ٹرین آپریشن کی بحالی پر وزارت کو خسارہ ہونے کے باوجود ٹکٹوں کی قیمتوں میں 50 سے 60 فیصد کمی کی جائے گی۔