فیس بک پر ایک پوسٹ میں کمپنی نے ان دونوں فونز کا اعلان کیا تاہم تفصیلی فیچرز ظاہر نہیں کیے تاہم کچھ اہم فیچرز کا ذکر ضرور کیا۔

ریڈمی 9 اے میں 6.53 انچ ڈسپلے واٹر ڈراپ نوچ کے ساتھ دیا گیا ہے جبکہ یہ ڈیوائس ہیلیو جی 25 ای او سی پراسیسر سے لیس ہے۔

اس کے علاوہ 2 جی بی ریم اور 32 جی بی اسٹوریج موجود ہے جبکہ 5000 ایم اے ایچ بیٹری دی گئی ہے۔

اس فون کے فرنٹ اور بیک پر ایک، ایک کیمرا ہے۔

سیلفی کیمرا 5 میگا پکسل جبکہ بیک پر 13 میگا پکسل کیمرا دیا گیا ہے۔

دوسری جانب ریڈمی 9 سی میں بھی 6.53 انچ کا ایچ ڈی پلس ڈسپلے واٹر ڈراپ نوچ کے ساتھ دیا گیا ہے۔

ہیلیو جی 35 ایس او سی پراسیسر، 2 جی بی ریم اور 32 جی بی اسٹوری دی گئی ہے جبکہ 5000 ایم اے ایچ بیٹری ہے۔

اس کے فرنٹ پر 5 میگا پکسل جبکہ بیک پر 13 میگا پکسل کیمرا دیا گیا ہے۔

یہ دونوں فونز سب سے پہلے ملائیشیا میں فروخت کے لیے پیش کیے جارہے ہیں۔

ریڈمی 9 اے 7 جولائی کو ملائیشیا میں آن لائن 85 ڈالرز (14 ہزار پاکستانی روپے سے زائد) میں فروخت کیا جائے گا۔

اس کے مقابلے میں ریڈمی 9 سی جولائی کے آخر میں سو ڈالرز (16 ہزار پاکستانی روپے سے زائد) میں دستیاب ہوگا۔