ابتدائی طورپر پہلے سارہ خان نے ایک انسٹاگرام پوسٹ شیئر کی جس میں انہوں نے اپنے ہاتھ میں انگوٹھی کو دکھایا تھا اور کیپشن میں لکھا تھا 'میں نے ہاں کردی'۔

بعد ازاں انسٹاگرام اسٹوریز میں انہوں نے کچھ ویڈیوز بھی شیئر کیں جبکہ انسٹاگرام میں ایک اور تصویر پوسٹ کی، جس میں فلک شبیر گھٹنوں کے بل بیٹھ کر ان کا ہاتھ تھامے ہوئے تھے۔

یہ بھی پڑھیں: اداکارہ سارہ خان اور گلوکار فلک شبیر نے منگنی کرلی

فلک شبیر نے بھی اپنے انسٹاگرام پرمذکورہ تصویر کو پوسٹ کیا جبکہ اسٹوریز میں تقریب کی متعدد ویڈیوز بھی شیئر کیں، تاہم انہوں نے اس وقت ویڈیوز کے حوالے سے کوئی وضاحت نہیں کی تھی۔

مداح ان کی ویڈیوز دیکھ کر ہی پریشان تھے اور سوچنے پر مجبور تھے کہ منگنی کے لیے اتنی شاندار تقریب کیسے منعقد کی گئی

تاہم کچھ گھنٹے بعد دونوں نے راز سے پردہ اٹھاتے ہوئے مداحوں کے ساتھ مزید ویڈیوز اور تصاویر شیئر کرتے ہوئے بتایا کہ ان کی منگنی ہوتے ہی شادی کی تقریبات بھی شروع ہوگئیں۔

سارہ خان اور فلک شب

یر نے 16 جولائی کو اپنی مایوں اور مہندی کی تقریب کی ویڈیوز شیئر کیں، جن میں دونوں کو خوشگوار موڈ میں دیکھا جا سکتا ہے۔

ویڈیوز دیکھ کر اندازا ہوتا ہےکہ ان کی مایوں کی تقریبات میں اگرچہ زیادہ تر افراد نے شرکت نہیں کی، تاہم ان کے قریب رشتہ داروں اور دوستوں کے کثیر تعداد نے شرکت کی۔

ویڈیوز سے یہ واضح نہیں ہوتاکہ دونوں کی شادی کی تقریبات کہاں شروع ہوئیں، تاہم رپورٹس ہیں کہ دونوں کی شادی کی تقریبات کراچی میں ہوئیں اورشادی کی تقریبات 17 جولائی تک چلنے کا امکان ہے۔

دونوں کی شادی پر شوبز شخصیات اور مداحوں نےنیک خواہشات کا اظہار کرتے ہوئے ان کی جوڑی کو بہترین قرار دیا۔

دوسری جانب سارہ خان کی شادی پر ٹوئٹر پو لوگوں نے اداکار مختار عثمان کا مذاق بھی اڑایا اور لکھا کہ اداکارہ کی شادی اداکار کی وجہ سے ہی ہو رہی ہے۔

مداحوں نے اپنی پوسٹس میں لکھا کہ عثمان مختار جس بھی اداکارہ کے ساتھ کام کرتے ہیں، اس کی شادی ہوجاتی ہے اور ساتھ ہی لوگوں نے اداکار کی ڈراموں کی تصاویر بھی شیئر کیں۔

لوگوں کی جانب سے عثمان مختار کی ان کے اداکارہ نیمل خاور کے ساتھ 2019 کے ڈرامے انا اور سارہ خان کے ساتھ ڈرامے ثبات کی تصاویر شیئر کیں۔

دلچسپ بات یہ ہے کہ عثمان مختار کے ساتھ ڈراموں میں کام کرنے والی دونوں اداکاراؤں یعنی نیمل خاور اور سارہ خان کی شادی ہوگئی، جس وجہ سے لوگوں نے اداکار کے لیے مزاحیہ میمز بنائے۔

لوگوں کی جانب سے مزاحیہ میمز بنائے جانے کے بعد عثمان مختار نے بھی ایک ٹوئٹ کی اور لکھا کہ اگلی بار وہ ڈرامے میں اکیلے آئیں گے تاکہ ان کے ہاتھ بھی پیلے ہوجائیں۔