'انڈین میچ میکنگ' ایک ریئلٹی شو کی طرح کا ڈراما ہے، جس میں سیما تپاریا نامی ایک آنٹی کو رشتے کرواتے ہوئے دکھایا گیا ہے۔

'انڈین میچ میکنگ' میں دکھایا گیا ہے کہ کس طرح جنوبی ایشیا اور خصوصی طور پر بھارت میں شادی کے لیے رشتے طے کرنا مشکل کام ہے۔

ریئلٹی شو میں دکھایا گیا ہے کہ لڑکے والے کس طرح کی لڑکی کی تلاش میں درجنوں لڑکیوں کو مسترد کردیتے ہیں لیکن پھر بھی انہیں آئیڈیل لڑکی نہیں ملتی۔

یہ بھی پڑھیں: نیٹ فلیکس نے بولی وڈ فلموں کی پروڈکشن بھی شروع کردی

'انڈین میچ میکنگ' میں رنگت، جسامت، قد، تعلیم، جسمانی خدوخال اور لڑکیوں کی نسوانیت کو بھی رشتوں سے جوڑتے ہوئے دکھایا گیا ہے کہ لڑکوں کے خاندان اپنی مستقبل کی بہو کے لیے کس طرح کی ڈیمانڈس کرتے ہیں۔

'انڈین میچ میکنگ' کو نیٹ فلیکس پر جاری کرتے ہوئے بھارت میں سوشل میڈیا پر سماج میں جاری فرسودہ روایات پر نئی بحث شروع ہوگئی۔

خبر رساں ادارے رائٹرز کے مطابق 'انڈین میچ میکنگ' میں شادی کے رشتوں کے معاملات کو دکھائے جانے پر بھارتی سوشل میڈیا صارفین نے ڈرامے کو انڈیا کی سماج کی بہتر عکاسی قرار دیا۔

درجنوں صارفین کا کہنا تھاکہ بھارتی سماج میں اب بھی شادیوں کے رشتوں کے نام پر لڑکیوں کی تذلیل کی جاتی ہیں اور لڑکوں کی مائیں اپنے بیٹوں کے لیے خوبصورت سے خوبصورت لڑکی کی تلاش کرتی رہتی ہیں۔

سوشل میڈیا پر 'انڈین میچ میکنگ' کے ڈائلاگز کو بھی بڑے پیمانے پر شیئر کرکے بحث کی جا رہی ہے۔

سوشل میڈیا پر بحث کی جا رہی ہے کہ مائیں اپنے بیٹوں کے لیے 5 فٹ 3 انچ کے قد والی، نسوانیت سے بھرپور، گوری چٹی اور تعلیم یافتہ لڑکیاں چاہتی ہیں۔

ڈرامے کے کچھ مناظر کو بھی سوشل میڈیا پر شیئر کیا جا رہا ہے، جس میں سے ایک منظر میں دکھایا گیا ہے کہ رشتے والی آنٹی کو ایک لڑکے کی والدہ بتاتی ہیں کہ ان کے بیٹے نے 150 لڑکیوں کی شادی کی پیش کش مسترد کی۔

اسی طرح ڈرامے کا ایک اور ڈائیلاگ بھی شیئر کیا جا رہا ہے جس میں رشتے والی آنٹی کہتی ہیں شادی کے رشتے کے لیے دونوں خاندان کی عزت اور لاکھوں ڈالر کی سرمایہ ہوتی ہے، اس لیے رشتہ ان کے لیے عزت کا مسئلہ بن جاتا ہے۔