ملتان کے نشتر ہسپتال کے ایک اور ڈاکٹر کورونا وائرس کے باعث جاں بحق ہوگئے۔

ڈان اخبار کی رپورٹ کے مطابق پوسٹ گریجویٹ ٹرینی ڈاکٹر مزمل عباس نیورولوجی وارڈ میں خدمات سر انجام دیتے تھے جو ایک ماہ قبل وائرس کا شکار ہوئے۔

انہیں پہلے نشتر ہسپتال میں داخل کیا گیا تھا لیکن حالت مزید خراب ہونے پر رجب طیب اردوان ہسپتال مظفر گڑھ میں وینٹیلیٹرز پر منتقل کردیا گیا تھا جہاں ان کی طبیعت ایک مرتبہ سنبھلی لیکن دوبارہ وینٹیلیٹر پر رکھنا پڑا اور پھر وہ زندگی کی بازی ہار گئے۔