رحمت اللعالمین ﷺ کی ولادت کے دن کی خوشی میں ملک کا قریہ قریہ، گلی گلی اور شہر شہر سبز پرچموں اور جھنڈیوں سے سجایا گیا ہے۔

اس موقع پر ملک بھر میں جلسے، جلوسوں اور محافل میلاد کا بھی اہتمام کیا گیا ہے۔

عید میلاد النبی ﷺ کے موقع پر شوبز شخصیات نے بھی اپنے مداحوں کو رحمت اللعالمین ﷺ کے یومِ ولادت کی مبارکباد دی ہے۔

اداکارہ نیلم منیر نے اپنی پوسٹ میں لکھا کہ رسول اللہ ﷺ کی محبت اسلام کی روح ہے اور جب تک یہ روح زندہ رہے گی اسلام زندہ رہے گا۔

اداکار ہمایوں سعید نے مداحوں کو عید میلاد النبی ﷺ کی مبارکباد دی، انہوں نے کہا کہ اللہ ہمیں ہمارے نبی حضرت محمد مصطفیٰ ﷺ کی زندگی اور تعلیمات پر صحیح معنوں میں عمل کرنے کی توفیق دے۔

اداکارہ میرا نے بھی عید میلاد النبیﷺ کی مبارکباد دی۔

اداکار احمد علی بٹ نے مداحوں کو عید میلاد النبیﷺ کی مبارکباد دی۔

اداکار عمران اشرف نے بھی اپنی پوسٹ میں رحمت اللعالمین ﷺ کے یومِ ولادت کی مبارکباد دی۔

کرکٹر شعیب ملک نے اپنی پوسٹ میں دعاگو ہیں کہ خاتم النبیین حضرت محمد مصطفیٰ ﷺ کی تعلیمات آج اور کل امن اور ہم آہنگی سے ہمارے راستے کو روشن کریں۔