ایسی کئی ٹرکس ہیں جو فیس ماسک کا استعمال آنکھوں کو تکلیف سے بچانے، چشموں کو دھندلا ہونے سے بچانے یا پھٹنے سے بچاتا ہے۔

مگر ایک مسئلے کا سامنا اکثر افراد کو ہوتا ہے اور وہ ہے ماسک کا حجم بڑا ہونا، جس کے باعث وہ چہرے پر فٹ نہیں ہوپاتے۔

مگر 60 سیکنڈ یا اس سے بھی کم وقت میں ایک ٹرک کے ذریعے ڈسپوزایبل یا کپڑے کے ماسک کو چہرے کے لیے فٹ کیا جاسکتا ہے اور جراثیموں سے زیادہ بہتر تحفظ حاصل کیا جاسکتا ہے۔

ایک ڈاکٹر کی اس ٹرک کی ویڈیو کچھ عرصے پہلے وائرل ہوئی تھی جس میں دکھایا گیا کہ کس طرح ایک ماسک کو چہرے پر فٹ کیا جاسکتا ہے۔

ڈاکٹر کا کہنا تھا کہ این 95 نہ ہونے پر بھی اس طریقہ کار سے عام فیس ماسک کو اچھا متبادل بنایا جاسکتا ہے، خاص طور پر اگر چہرہ چھوٹا ہو۔

اس کے لیے آپ کو کیا کرنا ہوگا؟

سب سے پہلے ماسک کو درمیان سے فولڈ کرلیں، پھر اس کی دونوں ڈوریوں میں گرہ لگائیں، پھر ماسک کو کھولیں اور پہن کر دیکھیں کہ کتنا فٹ ہوا۔

مکمل طریقہ آپ نیچے ویڈیو میں دیکھ کر سمجھ سکتے ہیں جو بہت آسان اور ہر ایک ایسا کرسکتا ہے۔

یہ ٹرک ایسے افراد کے لیے بھی بہترین ہے جو فیس ماسک سے زیادہ تحفظ کے خواہشمند ہوں اور ہاں یہ مت بھولیں کہ کپڑے کے ماسک کو روزانہ دھونا بھی ضروری ہے، ورنہ اس کا کوئی فائدہ نہیں ہوگا۔