شرمین عبید چنائے کو براعظم ایشیا کے 18 بہترین ہدایات کاروں کی فہرست میں شامل کیا گیا ہے جنہوں نے فلم انڈسٹری میں نمایاں کردار ادا کیا۔

یہ فہرست ہانگ کانگ کے لائف اسٹائل میگزین ٹاٹلر کی جانب سے جاری کی گئی ہے جس میں ایشیا کے 18 ہدایات کار شامل ہیں۔

میگزین کی جانب سے شرمین عبید چنائے سے متعلق بتاتے ہوئے لکھا گیا ہے کہ انہوں نے بہت سے اعزازات حاصل کیے ہیں، وہ ایک صحافی، سماجی کارکن اور فلم ساز ہیں۔

مزید پڑھیں: شرمین عبید چنائے کے نام ایک اور عالمی اعزاز

مزید کہا گیا کہ شرمین عبید چنائے خواتین کو درپیش مسائل کو اجاگر کرنے کے لیے جانی جاتی ہیں اور انہوں نے 2 اکیڈمی ایوارڈز، 6 ایمی ایوارڈز اور ایک نائٹ انٹرنیشنل جرنلزم ایوارڈ حاصل کیا ہے۔

شرمین عبید چنائے سے متعلق کہا گیا کہ حکومتِ پاکستان کی جانب سے 2012 میں انہیں ہلالِ امتیاز دیا اور اسی سال ٹائم میگزین کی جانب سے انہیں دنیا کی 100 متاثر کن شخصیات کی فہرست میں شامل کیا گیا تھا۔

ان کی ایوارڈ یافتہ دستاویزی فلموں میں سیونگ فیس اور آ گرل ان دی ریور شامل ہیں۔

شرمین عبید چنائے کے علاوہ سمیت 18 افراد پر مشتمل ایشیائی ہدایت کاروں کی فہرست کچھ یوں ہے۔

01۔ بونگ جون ہو - جنوبی کوریا

02۔ ہیروکازو کوری ادا - جاپان

03۔ ناؤمی کواسے - جاپان

04۔ہایاؤ ،میازاکی - جاپان

05۔لی چانگ دونگ - جنوبی کوریا

06۔پارک چان ووک - جنوبی کوریا

07۔ انتوينيت جاداون - فلپائن

08۔ آن ہوئی - ہانگ کانگ

09۔ وونگ کاروئی - ہانگ کانگ

10۔یم سون رائے - ہانگ کانگ

11۔لاو دیاز - فلپائن

12۔ہو ہیساؤ ہائسن - تائیوان

13۔اپیچاتپونگ ویراسیتاکول - تھائی لینڈ

14۔گارین نوگروہو - انڈونیشیا

15۔ اریک کھو - سنگاپور

16۔شرمین عبید چنائے - پاکستان

17۔سائی منگ لیانگ - تائیوان

18۔اپرنا سین - بھارت