اب واقعی ایک انسان کے 7 ہم شکل موجود ہیں یا نہیں لیکن انٹرنیٹ پر ان دنوں وزیراعظم عمران خان کے ہم شکل کی ویڈیو وائرل ہوئی ہے جو سیالکوٹ شہر سے ہے۔

سوشل میڈیا پر سیالکوٹ میں ایک رکشے میں بیٹھے شخص کی ویڈیو وائرل ہوئی ہے۔

اس نامعلوم شخص کا چہرہ وزیراعظم عمران خان اور بولی وڈ اداکار ریتھک روشن سے ملتا جلتا ہے تاہم غور سے دیکھا جائے تو عمران خان سے زیادہ مماثلت رکھتا ہے۔

سوشل میڈیا پر یہ ویڈیو وائرل ہونے کے بعد سے صارفین کی جانب سے مختلف تبصرے کیے جارہے ہیں کہ یہ تو وزیراعظم کا ہم شکل ہے۔

سماجی رابطے کی ویب سائٹ ٹوئٹر پر ایفرون نامی صارف نے لکھا کہ یہ عمران خان کی کاربن کاپی ہے۔

ماہم نامی صارف نے لکھا کہ خان صاحب بھیس بدل کر ملک کے حالات کا جائزہ لینے نکلے ہیں۔

انعم نامی صارف نے لکھا کہ ڈیلیٹ کریں اسے ندا یاسر نہ دیکھ لیں۔

نور نامی صارف نے لکھا کہ یہ اب کل ندا یاسر شو میں آئیں گے۔

عمار نامی صارف نے لکھا کہ یہ شخص خان صاحب سے بہتر طریقے سے اس ملک کو چلاسکتا ہے۔

عزہ نامی صارف نے لکھا کہ 7 ہم شکل پر یقین ہوگیا۔