اصلحان خاتون نے 29 اور 30 جنوری کی درمیان شب انسٹاگرام اسٹوری پر 30 سیکنڈز سے بھی کم دورانیے کی ویڈیو شیئر کی، جس میں انہیں ایک دفتر میں پاکستانی و ترکی کے جھنڈے کے سامنے بیٹھا ہوا دیکھا جا سکتا ہے۔

یہ بھی پڑھیں: اصلحان خاتون کی پاکستان آنے کی خواہش

مختصر ویڈیو میں گلثوم علی الہان نے ترکی و پاکستان کے مداحوں کو سلام کرتے ہوئے کہا کہ ان کے پاس دونوں ممالک کے مداحوں کو سنانے کے لیے بہت ہی اچھی خبر ہے۔

انگریزی میں جاری کیے گئے بیان میں ترک اداکارہ نے اگرچہ خوشخبری کا اعلان نہیں کیا، تاہم انہوں نے دعویٰ کیا کہ ان کے پاس دونوں ممالک کے مداحوں کو بتانے کے لیے ایک خوشخبری ہے۔

مزید پڑھیں: ’ارطغرل غازی‘ کی ’بانو چیچک‘ پاکستانی چائے پینے کی خواہاں

اصلحان خاتون نے کہا کہ وہ جلد ہی پاکستانی و ترکی کے مداحوں کو خوشخبری سنائیں گی۔

گلثوم علی الہان کی مذکورہ ویڈیو کو پاکستانی سوشل میڈیا اکاؤنٹس پر بھی شیئر کیا گیا، جہاں مداحوں ان سے محبت کا اظہار کرتے ہوئے ان کے لیے نیک خواہشات کا اظہار کیا۔

تاہم کئی مداحوں نے ان سے خوشخبری بتانے کا مطالبہ بھی کیا اور بعض مداحوں نے چہ مگوئیاں کرنا شروع کردیں کہ شاید وہ بھی پاکستانی دورے پر آئیں۔

خیال کیا جا رہا ہے کہ ممکنہ طور پر اصلحان خاتون بھی پاکستانی دورے پر آئیں گی یا پھر وہ بھی کسی پاکستانی برانڈ کی سفیر بننے جا رہی ہیں، تاہم اس حوالے سے کچھ بھی کہنا قبل از وقت ہے۔

گلثوم علی نے ’ارطغرل غازی‘ میں جنگجو ترگت کی اہلیہ اور عقلمند و بہادر خاتون کا کردار ادا کیا ہے اور ان کا کردار ڈرامے کے مرکزی کرداروں میں شامل ہے۔