عماد وسیم نے اپنے مداحوں اور فالوورز کو بیٹی کی پیدائش سے متعلق اپنے آفیشل ٹوئٹر اکاؤنٹ پر کی گئی ٹوئٹ کے ذریعے آگاہ کیا۔

انہوں نے لکھا کہ 'الحمداللہ، اللہ کے کرم سے ہمیں خوشیوں سے نوازا گیا ہے'۔

مزید پڑھیں: کرکٹر عماد وسیم بھی شادی کے لیے تیار

عماد وسیم نے مزید لکھا کہ 'اس دنیا میں اپنی بیٹی سیدہ عنایہ عماد کو خوش آمدید کہتا ہوں'۔

بیٹی کی پیدائش پر عماد وسیم کو مبارکباد دینے کا سلسلہ جاری ہے، کرکٹر حسن علی نے لکھا کہ 'مبارک ہو میرے بھائی'۔

کرکٹر فخر زمان نے لکھا کہ 'بہت بہت مبارک ہو عماد بھائی'۔

سرفراز احمد نے بھی عماد وسیم کو بیٹی کی پیدائش کی مبارکباد دیتے ہوئے لکھا کہ 'ماشااللہ بہت بہت مبارک ہو'۔

خیال رہے کہ عماد وسیم اگست 2019 میں شادی کے بندھن میں بندھے تھے، ان کے نکاح کی تقریب اسلام آباد کی شاہ فیصل مسجد میں منعقد ہوئی تھی جس میں قریبی عزیز واقارب اور دوستوں نے شرکت کی۔

عماد وسیم کا نکاح برطانوی نژاد پاکستانی ثانیہ اشفاق سے ہوا ہے اور انہوں نے نکاح کی تقریب میں سفید کرتا اور کالی ویسٹ کوٹ زیب تن کیا تھا۔