اوپو اے 74(4 جی) کو فلپائن اور کمبوڈیا جبکہ اے 74(5 جی) کو تھائی لینڈ میں متعارف کرایا گیا۔

اے 74 فور جی میں 6.43 انچ کا امولیڈ ڈسپلے دیا گیا ہے جبکہ فنگرپرنٹ سنسر اسکرین کے اندر نصب ہے۔

اس فون میں اسنیپ ڈراگون 662 پراسیسر دیا گیا ہے جس کے ساتھ 6 جی بی ریم اور 128 جی بی اسٹوریج دی گئی ہے۔

اوپو اے 74 میں اینڈرائیڈ 11 آپریٹنگ سسٹم کا امتزاج کلر او ایس 11.1 سے کیا گیا ہے۔

دوسری جانب 5 جی ورژن میں اسنیپ ڈراگون 480 پراسیسر موجود ہے جس کے ساتھ 6 جی بی ریم اور 128 جی بی اسٹوریج موجود ہے۔

5 جی کا ڈسپلے سائز بھی 4 جی ورژن جتنا ہی ہے تاہم اس میں ریفریش ریٹ 90 ہرٹز ہے، تاہم فنگرپرنٹ اسکینر ڈسپلے کے اندر نصب کرنے کی بجائے سائیڈ پر رکھا گیا ہے۔

دونوں فونز میں 5000 ایم اے ایچ بیٹری دی گئی ہے تاہم 4 جی ماڈل میں 33 واٹ جبکہ 5 جی ماڈل میں صرف 18 واٹ فاسٹ چارجنگ سپورٹ دی گئی ہے۔

کمپنی کے مطابق یہ بیٹری لگ بھگ 18 گھنٹے مسلسل یوٹیوب ویڈیوز دیکھنے یا 10 گھنٹے گیمز کھیلنے کی سہولت فراہم کرتی ہے۔

4 جی ماڈل میں بیک پر 3 کیمروں کا سیٹ اپ موجود ہے جس میں مین کیمرا 48 میگا پکسل کا ہے جس کے ساتھ 2 میگا پکسل میکرو اور 2 میگا پکسل ڈیپتھ کیمرے دیئے گئے ہیں۔

فون کے فرنٹ رپ 16 میگا پکسل سیلفی کیمرا پنچ ہول ڈیزائن میں چھپا ہوا ہے۔

اے 74 فائیو جی کے بیک پر 4 کیمروں کا سیٹ اپ موجود ہے جس میں 3 کیمرے تو 4 جی ماڈل جیسے ہی ہیں تاہم ایک 8 میگا پکسل الٹرا وائیڈ اینگل کیمرا اضافی ہے۔

اوپو اے 74 فورجی کی قیمت 255 ڈالرز (39 ہزار پاکستانی روپے سے زائد) جبکہ اے 74 فائیو جی کی قیمت 285 ڈالرز (43 ہزار پاکستانی روپے سے زائد) رکھی گئی ہے۔