یہ ہولناک حادثہ پیر کو اس وقت پیش آیا جب سرگودھا جانے والی ملت ایکسپریس کی 10 سے زائد بوگیاں پٹڑی سے اتریں اور مخالف سمت سے آنے والی سرسید ایکسپریس ان بوگیوں سے ٹکرا گئی۔

حادثے میں مجموعی طور پر ٹرینوں کی 13 سے زائد بوگیوں کو نقصان پہنچا، جن میں ملت ایکسپریس کی 9 اور سرسید ایکسپریس کی 4 بوگیاں شامل ہیں۔

فوج اور رینجرز کے دستے بھی مقامی انتظامیہ کے ساتھ مل کر امدادی اور بچاؤ آپریشن میں حصہ لے رہے ہیں جبکہ آئی ایس پی آر کے مطابق فوری امدادی اقدامات کے لیے ملتان سے 2 ہیلی کاپٹر روانہ کیے گئے ہیں۔