ویوو وی 21 ای میں 6.44 انچ کا امولیڈ ڈسپلے 90 ہرٹز ریفریش ریٹ سپورٹ کے ساتھ دیا گیا ہے۔

ڈسپلے میں ایچ ڈی آر 10 سپورٹ بھی موجود ہے۔

وی 21 ای میں اسنیپ ڈراگون 720 جی پراسیسر دیا گیا ہے جو کمپنی کے مطابق گزشتہ سال کے وی 20 سیریز کے فونز کے مقابلے میں اس ڈیوائس کی پرفارمنس کو 51 فیصد بہتر بناتا ہے۔

کمپنی کے مطابق وی 21 ای اس سیریز کا پہلا فون ہے جس میں ایکسٹینڈ ریم ٹیکنالوجی موجود ہے جو ملٹی ٹاسکنگ میں فون کو متاثر نہیں ہونے دیتی۔

فون میں 8 جی بی ریم موجود ہے مگر اس ٹیکنالوجی سے 3 جی ریم کی اضافی طاقت حاصل ہوتی ہے جبکہ 128 جی بی اسٹوریج موجود ہے جس میں مائیکرو ایس ڈی کارڈ سے ایک ٹی بی تک اضافہ کیا جاسکتا ہے۔

فون کی 4000 ایم اے ایچ بیٹری کے ساتھ 33 واٹ فاسٹ چارجنگ سپورٹ دی گئی ہے۔

فون کے بیک پر 3 کیمروں کا سیٹ اپ موجود ہے۔

اس سیٹ اپ میں مین کیمرا 64 میگا پکسل کا ہے جس میں او آئی ایس سسٹم موجود ہے جس کے ساتھ 8 میگا پکسل الٹرا وائیڈ اور 2 میگا پکسل میکرو کیمرے موجود ہیں۔

وی 21 ای میں بھی وی 21 کی طرح 44 میگا پپکسل سیلفی کیمرا آٹوفوکس کے ساتھ دیا گیا ہے تاہم اس میں او آئی ایس سسٹم موجود نہیں جبکہ ڈوئل ایل ڈی فلیش بھی اس سیٹ اپ کا حصہ نہیں۔

کمپنی کے مطابق فرنٹ اور بیک کیمروں کو اسپلٹ اسکرین وی لاگز کے لیے استعمال کیا جاسکتا ہے۔

یہ فون پاکستان میں 45 ہزار 999 روپے میں فروخت کے لیے پیش کیا گیا ہے۔