سام سنگ کی گلیکسی اے سیریز کے یہ فونز انٹری لیول فیچرز سے لیس ہیں اور دیگر فونز کے مقابلے میں سستے بھی ہیں۔

گیکسی اے 02 اور اے 02 ایس اس وقت سام سنگ کے سستے ترین فونز ہیں جن کو گزشتہ سال کے آخر میں متعارف کرایا گیا تھا اور اب کمپنی اس کا اپ ڈیٹ ماڈل پیش کرنے والی ہے۔

گلیکسی اے 02 ایس کا سپورٹ پیج سام سنگ کی ایک آفیشل ویب سائٹ پر لائیو کیا گیا ہے، جس سے عندیہ ملتا ہے کہ اسے جلد متعارف کرایا جاسکتا ہے۔

سپورٹ پیج میں گلیکسی اے 03 ایس کے بارے میں کچھ نہیں بتایا گیا۔

تاہم سابقہ لیکس میں بتایا گیا کہ اس فون میں 6.5 انچ کا ایل سی ڈی ڈسپلے موجود ہے جس میں 5 میگا پکسل سیلفی کیمرا ہوگا۔

فون کے بیک پر ڈوئل کیمرا سیٹ اپ ہوگا جو 13 میگا پکسل اور 2 میگا پکسل کیمروں پر مشتمل ہوگا۔

گلیکسی اے 03 ایس کے رینڈرز یہ بھی معلوم ہوتا ہے کہ اس میں یو ایس بی پورٹ سی، ہیڈ فون جیک اور سائیڈ پر فنگر پرنٹ اسکینر موجود ہوگا۔

اسی طرح میڈیا ٹیک کا ہیلیو جی 335 پراسیسر فون کا حصہ ہوگا جس کے ساتھ 4 جی بی ریم اور اینڈرائیڈ 11 آپریٹنگ سسٹم دیا جائے گا۔

لیکس میں یہ بھی بتایا گیا کہ فون میں 5000 ایم اے ایچ بیٹری دی جائے گی۔