اوریہ چینی کمپنی کا پہلا انڈر ڈسپلے کیمرا فون بھی ہوسکتا ہے جس کا ڈیزائن دنگ کردینے والا ہوگا۔

میٹ 50 سیریز کے فونز کے حوالے سے اب تک کچھ زیادہ تو معلوم نہیں ہوسکا مگر ایک پیٹنٹ سے فون کے ڈیزائن کا عندیہ ملتا ہے۔

ایک رپورٹ میں میٹ 50 کے ممکنہ ڈیزائن کی جھلک پیش کی گئی۔

رپورٹ میں بتایا گیا کہ ہواوے کی جانب سے آرک ڈسپلے الٹرا curved سائیڈز کے ساتھ ہوگا۔

اس ڈسپلے میں متعدد ٹچ فنکشنز بشمول والیوم کنٹرول کے ساتھ دیئے جائیں گے جبکہ سیلفی کمرا اسکرین کے اندر چھپا ہوگا۔

ہواوے کی جانب سے اس خیال پر کافی عرصے سے غور کیا جارہا ہے اور یہ پیٹنٹ بھی مارچ 2019 کا ہے۔

اس کی چند چیزوں پر عملدرآمد میٹ 30 سیریز پر بھی ہوا تھا اور اس کے فونز میں والیوم روکر نہیں تھے بلکہ سائیڈ پر کسی بھی جگہ ڈبل ٹیپ فنکشن تھا۔

اس فنکشن سے ساؤنڈ کے ورچوئل کنٹرولز کو متحرک کیا جاسکتا تھا۔

تصاویر سے عندیہ ملتا ہے کہ نئے فون کی ایکسٹرا اسکرین کو شولڈر ٹریگرز، متعدد آئیکونز اور ایک لائن کے پیغامات پڑھنے کے لیے بھی استعمال کیا جاسکے گا۔

یعنی بالکل گلیکسی زی فلپ کے فرسٹ جنریشن فون کی طرح۔

کانسیپٹ امیجز میں ون کے بیک کیمرا سیٹ اپ کی بھی جھلک ہے۔

تاہم میٹ 50 سیریز میں یہ ڈیزائن واقعی ہوگا یا نہیں اس کا فیصلہ تو آنے والے وقت میں ہوگا۔