محکمہ ملازمت اور عمومی نظم و ضبط (ایس اینڈ جی اے ڈی) کے انتظامی شعبے کے سیکشن افسر بہادر خان کے جاری کردہ اعلامیے کے مطابق بلوچستان حکومت نے تمام محکموں کے سربراہان اور سینئر سرکاری افسران کو پابند کیا ہے کہ وہ اپنے موبائل فون نمبرز پر رنگ بیک ٹون ’پاکستان زندہ باد‘ لگالیں۔

مزید پڑھیں: موبائل فون کمپنیوں کے وہ کوڈ جو سب کیلئے جاننا ضروری

تمام محکموں کے سیکریٹریز، ایڈیشنل سیکریٹریز، ڈپٹی سیکریٹریز اور دیگر متعلقہ محکموں کے سربراہان کو پابند کیا گیا ہے کہ وہ اس فیصلے کی سختی سے تعمیل کریں۔

اعلامیے میں مختلف موبائل فون آپریٹرز کے نمبرز پر ’پاکستان زندہ باد‘ رنگ ٹونز کیسے سیٹ کرنی ہے، اس کا طریقہ کار بھی بتایا گیا ہے۔

مراسلہ تمام محکموں کے سربراہان کے علاوہ، ڈویژنل کمشنرز اور ڈپٹی کمشنرز کو بھی بھیجا گیا۔

یہ بھی پڑھیں : مانچسٹر کی سڑکیں پاکستان زندہ باد کے نعروں سے گونج اٹھیں

محکمہ ایس اینڈ جی اے ڈی کے تمام ایڈیشنل سیکریٹریز کو یہ بھی ہدایت کی گئی ہے کہ وہ نہ صرف خود بلکہ اپنے ماتحت افسران کے موبائل فون پر بھی ’پاکستان زندہ باد‘ رنگ ٹون لگائیں۔

اعلامیے میں بتایا گیا کہ اس بات کا فیصلہ چیف سیکریٹری بلوچستان کی زیر صدارت اجلاس میں کیا گیا۔

دریں اثنا اس اقدام نے سوشل میڈیا صارفین نے حکومت کی ہدایت پر حیرت کا اظہار کیا۔

صحافی مبشر زیدی نے سوال کیا کہ ‘ہمیں کیوں یقین نہیں ہے کہ بلوچ بھائی ہم سے زیادہ محب وطن ہیں؟’

ایک اور صحافی محمد تقی نے تنقید کرتے ہوئے سوال کیا کہ 'کالونی اور کیسی ہوتی ہے؟'