اب کمپنی کی جانب سے نوٹ 11 کو باضابطہ طور پر متعارف کرا دیا گیا ہے۔

انفینکس 11 میں 6.7 انچ کا امولیڈ ڈسپلے 120 ہرٹز ریفریش ریٹ کے ساتھ ہے اور کمپنی کے مطابق ڈیوائس میں 91 فیصد اسکرین ٹو باڈی ریشو دیا گیا ہے جبکہ اس کی موٹائی محض 7.9 ایم ایم ہے۔

نوٹ 11 پرو میں میڈیا ٹیک کا ہیلیو جی 96 پراسیسر دیا گیا تھا جبکہ نوٹ 11 میں ہیلیو جی 88 پراسیسر موجود ہے۔

ڈسپلے میں واٹر ڈراپ نوچ میں 16 میگا پکسل سیلفی کیمرا چھپا ہوا ہے۔

فون کے اندر 4 سے 6 جی بی ریم اور 64 سے 128 جی بی اسٹوریج کے آپشن موجود ہیں جس میں مائیکرو ایس ڈی کارڈ سے مزید اضافہ کیا جاسکتا ہے۔

انفینکس نوٹ 11 میں 5000 ایم اے ایچ بیٹری 33 واٹ فاسٹ چارجنگ سپورٹ سے لیس ہے۔

فیس ان لاک، سائیڈ پر فنگر پرنٹ اسکینر جیسے سیکیورٹی فیچرز بھی ڈیوائس کا حصہ ہیں۔

نوٹ 11 کے بیک پر 3 کیمروں کا سیٹ اپ ہے۔

فون میں 50 میگا پکسل کا مین کیمرا ایف 1.6 آپرچر کے ساتھ ہے جس کے ساتھ 2 میگا پکسل بوکہہ اور ایک اے آئی کیمرا موجود ہے۔

کمپنی کی جانب سے فی الحال قیمت اور دستیابی کی تاریخ کا اعلان نہیں کیا گیا مگر یہ نوٹ 11 پرو سے سستا ہی ہوگا جس کی قیمت 249 ڈالرز رکھی گئی ہے۔

ممکنہ طور پر یہ فون دسمبر میں کسی وقت دستیاب ہوگا کیونکہ کمپنی نے حال ہی میں تصدیق کی کہ وہ نوٹ 11 سیریز اور ایک لیپ ٹاپ دسمبر میں بھارت میں فروخت کے لیے پیش کرے گی۔