ماضی میں بھی ہانیہ عامر مذکورہ دونوں گلوکاروں کے ساتھ تعلقات کے حوالے سے خبروں یا پھر ان کے ساتھ ویڈیوز و تصاویر وائرل ہونے کے بعد ٹوئٹر پر ٹاپ ٹرینڈ بنتی رہی ہیں۔

اب اداکارہ نے سوشل میڈیا پر ہونے والی چہ مگوئیوں پر اپنا جواب ایک انسٹاگرام پوسٹ میں دیا۔

انہوں نے لکھا 'آگے بڑھنے اور دوسرے کو آگے بڑھنے دینے میں زیادہ شعور ہے، اپنی ذہنی صحت کے لیے ان چیزوں کو ترجیح دیں جو آپ کو خوش رکھیں'۔

انہوں نے مزید کہا کہ نفرت کو دل میں رکھنے سے صرف آپ ہی کمزور ہوتے ہیں اور زندگی ماضی کے مایوس کن لمحات کو ذہن میں رکھنے کے لیے بہت چھوٹی ہے۔

ہانیہ عامر نے کہا کہ تلخ لمحات کو ذہن میں رکھنا اور اپنی زندگی کے طریقوں کے انتخاب پر اجنبیوں کے سوالات کے جواب یا وضاحت دینا آپ پر قرض نہیں، خود کو سنبھال کر آگے بڑھیں۔

اداکارہ کی اس پوسٹ پر بیشتر افراد نے ان کے الفاظ کے چناؤ کو سراہا۔

ہانیہ عامر اکثر سوشل میڈیا پر لوگوں کی آرا کا جواب دیتی ہیں، اس سے قبل جون میں ان کی ایک مختصر ویڈیو سوشل میڈیا پر وائرل ہوئی تو انہوں نے پیارا سے کرارا دیتے ہوئے کہا کہ وہ چاہتی ہیں کہ لوگ انہیں ایک ایسی لڑکی کے طور پر یاد رکھیں جو مسکراہٹیں بکھیرتی ہیں۔

ہانیہ عامر نے انسٹاگرام پر 5 جون کو مسکراتے ہوئے کھچوائی گئی اپنی تصویر شیئر کرتے ہوئے ’وائرل ویڈیو‘ کا ذکر کیے بغیر لکھا کہ وہ سوشل میڈیا پر اپنی زندگی کی چھوٹی باتوں کو شیئر کرتی ہیں جو کہ کسی کو بہت اچھے لگتے ہیں اور کوئی ان پر تنقید کرتا ہے۔

اداکارہ نے واضح کیا کہ وہ سوشل میڈیا پر اپنی ذاتی زندگی کی کچھ چیزیں اس لیے شیئر کرتی ہیں تاکہ جو لوگ انہیں فالو اور پسند کرتے ہیں وہ ان سے متعلق جان سکیں اور ان کا فالوورز سے رابطہ رہے۔