مگر کیا اس تصویر کو دیکھ کر آپ نشاندہی کرسکتے ہیں کہ اس میں ماؤنٹ ایورسٹ کہاں ہے؟

مارک ٹی وینڈی ہے نے اپنے ٹوئٹر اکاؤنٹ پر 2 تصاویر پوسٹ کرکے لوگوں کو چیلنج کیا کہ وہ دنیا کی بلند ترین چوٹی کو اس میں دریافت کریں۔

انہوں نے اپنی ٹوئٹ میں لکھا 'متعدد بار کوشش کرنے کے بعد آخر کار میں اسپیس اسٹیشن سے ماؤنٹ ایورسٹ کو تلاش کرنے میں کامیاب ہوگیا، کیا آپ ان تصاویر میں اسے تلاش کرسکتے ہیں؟'

ماؤنٹ ایورسٹ یقیناً زمین کی سب سے بلند چوٹی ہے مگر جب آپ 17 ہزار میل فی گھنٹہ کی رفتار سے زمین کے مدار پر سفر کررہے ہوں تو وسیع پس منظر میں وہ آسانی سے گم ہوسکتی ہے اور صحیح موقع پر کیمرا سے تصویر لینا بھی آسان نہیں۔

اب یہی تصاویر زمین سے 248 میل کی بلندی سے لی گئی ہے جس میں ماؤنٹ ایورسٹ کو تلاش کرنا بہت مشکل ہے۔

صحیح بات تو یہ ہے کہ ہم بھی ایسا کرنے میں کامیاب نہیں ہوسکے مگر خلاباز کے ٹوئٹر فالورز نے ضرور ایسا کرنے کا دعویٰ کیا ہے۔

ایک صارف اسٹیو رائس نے بتایا کہ وہ ایورسٹ کو تصاویر میں ڈھونڈنے میں کامیاب رہا جس کے لیے اس نے گوگل میپس سے بھی کچھ مدد لی، مگر بیشتر افراد ایسا نہیں کرپائے۔

تو کیا آپ ان تصاویر میں ماؤنٹ ایورسٹ کو تلاش کرسکتے ہیں؟ نیچے کمنٹس میں جواب دینا مت بھولیں۔