یہ فون 3 سے 7 دسمبر تک پری آرڈر میں دستیاب ہوگا جس کے بعد مارکیٹوں سے خریدا جاسکے گا۔

خیال رہے کہ نوٹ 10 کو 2021 کے شروع میں ہی متعارف کرایا گیا تھا اور ان کو 6 ماہ میں ہی اپ ڈیٹ کرکے نوٹ 11 سیریز کو پیش کیا گیا۔

انفینکس نوٹ 11 پرو میں میڈیا ٹیک کا نیا ہیلیو جی 96 فور جی پراسیسر موجود ہے اور یہ پراسیسر گیمنگ کے لیے بہترین قرار دیا گیا ہے۔

فون میں 6.95 انچ کا بہت بڑا آئی پی ایس ڈسپلے ہے جو ایف ایچ ڈی پلس ریزولوشن اور 120 ہرٹز ریفریش ریٹ سپورٹ کرتا ہے۔

نوٹ 11 پرو میں بیک پر 3 کیمروں کا سیٹ اپ ہوگا جس کا مین کیمرا 64 میگا پکسل ہوگا جبکہ 13 میگا پکسل اور 2 میگا پکسل کیمرے ہوں گے۔

فون کے فرنٹ پر 16 میگا پکسل کیمرا پنچ ہول ڈیزائن میں چھپا ہوا ہوگا۔

ڈیوائس میں 8 جی بی ریم جبکہ 128 جی بی اسٹوریج ہوگی اور ورچوئل ریم سپورٹ سے ریم کی گنجائش 11 جی بی تک بڑھ جائے گی۔

انفینکس نوٹ 11 پرو میں 5000 ایم اے ایچ بیٹری 33 واٹ فاسٹ چارجنگ سپورٹ کے ساتھ ہوگی۔

پری آرڈر میں یہ فون 31 ہزار 999 روپے میں دستیاب ہوگا جبکہ 7 دسمبر کے بعد اس کی قیمت 33 ہزار 999 روپے ہوجائے گی۔