نیشنل اسٹیڈیم کراچی میں کھیلی جارہی سیریز کے دوسرے میچ میں پاکستان نے پہلے بیٹنگ کرتے ہوئے مقررہ اوورز میں 8 وکٹوں پر 172 رنز بنالیے تھے، جس میں رضوان کے 38، افتخار احمد اور حیدرعلی کے بالترتیب 32 اور 31 رنز کے علاوہ شاداب خان نے قیمتی 28 رنز بنائے۔

جواب میں ویسٹ انڈیز کے برینڈن کنگ نے 67 رنز کی اننگز کھیلی اور اختتامی اوورز میں روماریو شیفرڈ نے 19 گیندوں پر 35 رنز بنا کر مہمان ٹیم کی جیت کی امیدیں بحال رکھیں، تاہم حارث رؤف نے آخری اوور میں پاکستان کو فتح سے ہم کنار کیا۔